膠。吹。旅。遊

1. 梨花女子大學(到此一遊)
2. 早餐: Isaac Toast ~~
3. 梨大商店街shopping
4. 午餐: 八色五花肉
5. 弘大商店街
6. 東大門Sparex汗蒸幕
7. 忠武路豬扒
8. 首爾樂天Mart + 往仁川機場回港
9. 後記

行程最尾兩天，主要都是買手信，Shopping，休息和最後衝刺，所以把梨大弘大的行程放到最後..........
我覺得韓國都係女人的天堂，男人的地獄....化妝品，衫，鞋，手袋等等全部都係For女仔，要平有平，要貴有貴.....即使係10000Won (HKD$6X)貨仔既野都可以好靚...所以d女仔去親都會同我講自己買到失左控，男仔都會同我講覺得好無癮，因為女朋友經常會掉低自己一個係Coffee shop到打機，而自己就走左去shopping...所以我覺得呢啲程況大家係要分開行，再約定一個時間係某個地方等....即使男仔願意跟住個女仔一齊行，我可以話呢個係一個好男仔，但有啲女仔會覺得唔好意思又怕悶親佢...所以寧願各有各行.....

Day 4
1. 梨花女子大學
|
而今次被掉下係Coffee shop既人唔係男朋友，而係我老豆......
我，媽，細佬放低左爸爸之後即刻分頭行事去買野，我買左五件10000Won既衫同鞋，仲有好X多對果啲防跣襪，細佬同阿媽都買到褸同袋....應該我係最多收獲...我地買左成兩個幾鐘，我老豆就等足噤耐...所以點解係男人既地獄就係噤解....

2. 早餐: Isaac Toast

一大早我地去到梨大當然梗係要去果間有得坐既Isaac食早餐先...無錯呀...係又...又係食IsaacXDDD 不過呢間Isaac已經唔同我三年前去既唔同左，三年前仲未噤多遊客時，呢間店係無乜人，坐係到慢慢嘆杯咖啡，會覺得好悠閒...但今次去全部都堆滿人，有啲人甚至要企係到食....所以我地都係快食快走....
>>梨大Isaac位置<<

Missha出左Line 系列既化妝品呀！不過我去過噤多間問，每一間都話無晒貨...好可惜....因為係梨大弘大shopping既關係，所以都無特別點影相~~

4. 午餐: 八色五花肉

午餐去左食八色五花肉...

四個人叫左三人份剛剛好，因為我地都不在狀態...

其實我覺得隻隻味都差不多...XDD不過又好好食

韓國人食法：將肉，生蒜同辣醬放係生菜上面包住食...需然食完生蒜口會好大陣味...不過當習慣左之後就會覺得好香...慢慢就成了一個重口味既人了XD
>>八色五花肉新村店<<
其實還有很多其他分店在東大門/弘大等等...大家可以在韓巢網search: http://cn.konest.com/

5. 弘大商店街

食完午餐，落到弘大......因為Trick Eye Museum去過既關係，今次將佢地其餘三人都放低係果到，我自己去再拼過!!!
弘大我主攻化妝品，因為個人覺得弘大既衫比較貴，所以我將衣著既野集中晒係梨大買...又係因為掛住買野所以無影相...

路過見到既窩夫...1000Won~~

梨大既其中一樣戰利品...1000Won一對...（HKD$6-7）香港見到相同既要HKD$20一對......=___=

暖包亦係呢幾日必備既野!!!!

6. 東大門Sparex汗蒸幕

記憶中running man同大韓民國萬歲都好似有嚟過呢間XDDD 不過個人覺得龍山dragon hill 既浴池過癮啲~~~~
聴聞東大門呢間好多強，真係多既，但一過左9點啲人就開始散水....我屋企人由於行程太chur，係一間35度既房到訓到唔願走...zzzzzz...過左9點後既環境~~~少左勁多人！

入左呢間81度既桑拿房~~

唔知係咪呢幾日太凍既關係，我既汗線適應唔黎XDD 入左去成十分鐘都無流過汗...真係好虧...

入去佢個更衣室玩完佢個"羅馬浴場"之後出黎嘆反杯甜米水~~~~
之前有做功課，啲 blog 話汗蒸幕必drink wo...又真係幾好飲既^^😂
😂

一個個洞係到...好多情侶係到依泣~~

瀜入韓國人當中.....同佢地一齊煲劇 ~~（其實我係聽唔明）

小插曲：話說我開完Locker之後竟然就噤插左條匙係到就走左去...好彩係比我媽發現...
入面有錢有passport...比人拎左我就反唔到香港了....噤可能就要繼續留係到吃喝玩樂喇XD
我地今次無係汗蒸幕過夜，所以10點幾就換衫反酒店...
>>東大門Sparex汗蒸幕<<

Day 5
7. 忠武路豬扒

忠武路豬扒~~~就係我地住果間酒店一出既對面，十步之內可到達...
最後一天先有機會食，細細地，唔係做旅客生意所以唔貴~~仲要姨嬷主動refill 前菜!!

好鐘意佢地既韓燒係會幫你燒埋~~佢地既前菜加湯已經好多野，加埋肉同飯真係食得好飽...埋單加埋都係四萬幾won...食到捧住個肚真係抵！
>>忠武路豬扒位置+介紹<<

食完過反對面酒店拎埋行李就出發去機場~~去機場既路一定會經過首爾站，由於今次坐韓亞，所以我地係首爾站已經可以Check in 行李.....我地順路去左樂天Mart買手信加零食做最後衝刺～！

到達機場！Bye Bye Seoul！

9. 後記
經過今次地獄式自由痕，佢地話唔會再自由行XDDDD..我都承認今次係真係Chur左啲既，因為我去旅行既中指係用最少時間去最多既地方XDDD 我要帶佢地去啲佢地未去過既地方，同時又要滿足我自己想去既地方～所以係趕左啲，對於平時悠閒慣既佢地當然係覺得好辛苦喇....不過好在是次行程佢地都好合作XDD
我鐘意自由行既原因係，我好enjoy做旅遊既research同排schedule, 之後按schedule一個個地方去KO~~然後再可以將自己所經歷過既事擺上Blog同人分享...~~跟團唔係唔好，但去旅行就是要了解當地文化，如果唔係下下車出車入，什至連自己去過邊都唔知....我覺得無乜意思....趁仲叫"後生" 有得玩好玩盡啲.......XD
雖然我既Blog唔係話真係話好似出面啲專業Blogger噤介紹得好長盡有晒地圖指引噤，不過最起碼既係可以同我身邊既人分享，或者當寫比自己作一個回味同記錄，我已經好滿足的說～

完!!!!!!!!!!Thanks for reading!