大阪食玩買食玩買Day 2 - 黑門市場/道頓崛/心齋橋/蟹道樂/法善寺橫丁/夫婦善哉 @ 膠。吹。旅。遊

1. 黑門市場
2. 道頓崛/心齋橋/GU Shopping/Glico地標
3. 晚餐: 蟹道樂
4. 法善寺橫丁+甜品: 夫婦善哉

第二日景點我地主要係去黑門市場食Sashimi，之後就會落反心齋橋繼續食玩買食玩買～
之前原定行程係打算去埋通天閣同四天王寺，因為又係天公不造美><!!!
仲要落好大雨，所以呢兩個行程取消左，直接落心齋橋~~~
1. 黑門市場

位於日本橋既黑門市場，一出去行三分鐘已經見到～～

雖然係市場不過唔係好多人，行起上黎好舒服~~朋友話呢到既魚生係最新鮮同最平～最新鮮係事實既，不過價錢我覺得唔太平XDD

拖羅係必食，見到有兩隻，淺色啲果隻係好食啲，入口即溶，兩個人三片真係唔夠，最後encore左多次XD!!

海擔又係必食！1800Yen有一板，又係食完會好想再Encore...好想黎碗飯呀！T___T"!!

其次就係蠔喇，長腳蟹同埋大阪燒...人地話，其實係日本求其入一間食都好正~~~^^!!

最後食左呢啲做甜品...見過人地係中村藤吉到食XDD不過呢道價錢平好多！

食埋個燒餅～章魚小丸子已經食唔落 =o=|||

果啲海老餅，其實好似番揀...XD好想試下，但真係食唔落了~~~~

2. 道頓崛/心齋橋/GU Shopping/Glico地標

因為下午落大雨，我地取消左通天閣同四天王寺既行程，直接去到心齋橋Shopping同食野~~~~
心齋橋Landmark~~~呢條街........有入無出....你會想一直行落去.................你話係天堂定地獄？

}
太阪另一個Landmark~~Glico~~

喂！好多人扮佢woXDDD 我唔係唔扮呀～？！隻手已經衰左喇！~___~...

我地晚餐打算去食蟹道樂....所以一早去拎定籌，之後再去GU Shop一個鐘到再反去~~~~
我幾Like GU呢個牌子~~首先佢無Uniqlo果啲Style噤plain~~但又無H&M果啲噤成熟(廢話)～所以兩日都係呢間野留連左兩三個鐘....

買買買買買買買買!!!!!!!!!!好後恢無買到啡色長褸....

買!!! 最後買左綠色軍褸～本來已經無我Size...因為呢件好搶手，我係心齋橋買左之後拎去酒店附近無人既GU到換先有T__T

2. 晚餐: 蟹道樂

道頓崛Landmark~~人一世，即使唔飽，點都試下~~

岩岩好有窗口卡位，坐係榻榻米上欣賞心齋橋夜景~~

我地兩個人叫左個Set...其實個Set係For一人！所以好唔夠~~但佢啲野係非常精緻，我諗係我唔識食...我覺得無乜特別....

埋單8,000幾yen.........10,000yen唔使找..............數XDD

4. 法善寺橫丁 + 甜品: 夫婦善哉
undefined
法善寺橫丁係一條細街，唔知點解呢到令我諗起千與千尋入面.....千尋爸爸媽媽食到變豬果個街道XDD 大佬呀XD我唔想係到食到變豬呀！XDD

睇左好多blog都有介紹法善寺隔黎既夫婦善哉~~

順道一遊法善寺~~