1. 明洞味加本粥早餐
2. 南山首爾塔
3. 首爾國際旅遊文化中心: 免費韓服試著
4. 南大門市場
5. 回酒店休息(T mark Hotel)
6. 新沙洞Pro醬油蟹
7. Line friend Store - 林蔭大道旗艦店
難得呀爸呀媽澳洲反黎~~一家四口可以齊人去旅行~~今次選擇首爾既原因係因為細佬最近迷上了韓國的女團...Apink呀..EXID呀果啲呢呢呢呢...等等.....
同我幾年前去韓國既原因一樣，我係因為迷上了Running man.....^^ 經常FF自己去到當地會遇到佢地拍攝，然後可以找那些Oppa拍個照.....XDDDDD
香港機場 - 今次係坐韓亞機~~~
出發日期: 21/1/2016 - 25/1/2016 (20號晚零晨機去，25號晚夜機反....真係玩到盡...呢樣正正係我旅遊既目的！)
20號晚放工後，反屋企放低啲野，就即刻出發去機場.....今次經專業旅運book...
HKD $3700 機票酒店連稅...四星酒店黎講...價錢各方面都尚算合理...
출발!!!! 之前係一田大減價買的叮噹gip
坐零晨機有好有壞喇，好處係玩到盡，壞處就係你要有心理準備第2朝會好辛苦....而我係一個唔會刻意補眠既人...就更加辛苦XDD
點幾鐘上機之後又食下野噤，5點幾又到喇，點會訓得著..基本上係同通頂無咩分別....科科....
韓亞的飛機餐～～都唔可以話佢hea既...反正對飛機餐就係唔好噤高要求...XDD
到達後，由於係朝早5點幾6點，除左過關多人之外，基本上係行李等我地...XDD 之後買埋機場線車飛....我們搭上那朝6:30分由仁川機場開往首爾站的A'REX快線....A'REX快線途中見到剛日出下既漢江...心裡不禁很老土地大了了一句: Seoul I'm back!!! 當然我係無講出口，因為真係累到hihi鳥...
一離開列車...就已經感受到....零下十幾度既寒意><!! 真係好冷凍!!!...我之前都唔相信啲人要著三條褲...而加真係信喇...我已經咩相都唔想影......到達後酒店未check in 得住，我地寄放行李之後，將最厚既野著晒上身，再貼晒啲暖包先再出發去玩...
我地酒店位置係忠武路，離明洞只係一個站...(一陣再介紹下間酒店..) 所以我地第一站先出發去明洞食個早餐 - 味家本粥（都係同本粥差唔多既friend）
1. 味家本粥（都係同本粥差唔多既friend）
我地幾個分別都叫左人參雞粥同蠔粥...好鮮味^^!! 每碗8000won到，即係HKD $50....
맛있어요!!!! >V<!!!
2. 南山首爾塔
食完早餐後即刻出發去南山首爾塔...本身諗住答的士，但最後行下行下又行到去...明洞大街行到上南山cable car站去我諗30分鐘到...
N Seoul Tower....
第二次上黎所以又係無點影相...而且真係好凍..仲要係飛機上無訓過......XDDDD 不過屋企人第一次黎，係噤意比佢地到此一遊影反兩張相....
上面全部都係呢啲愛情鎖...呢個仲要有密碼XDDD 但係，有幾多對真係持續愛到幾多歲呢?
3. 首爾國際旅遊文化中心
落反明洞之後，即刻去首爾國際旅遊文化中心預約韓服試著先...因為呢個係無網上booking，而且只接受即日預約...而且得15分鐘，但免費的~~所以book左先去食晏~~~
求其入左一間食...果刻只想食啲好熱既野...而且真係已經眼訓到一個點...我地叫左순두부찌개 (豆腐惱湯飯) 同비빔밥 (韓式拌飯)~~~
真係好鐘意食呢個~~!!
食完直接去頭先預約左既韓服試著...今次去可能多左遊客，女仔款既韓服只係得一款可以選，唯一一款比我媽著左，我只好著男裝=_=
但著起真係好樣衰...只係得我細佬一個係carry到....T_T
一睇就知，呢個係一個昏君.......XDDDD
以下呢張係本小姐三年前黎韓服試著既相~~~XDDDD 今次呢啲女扮男裝真係唔見得人XDD
4. 南大門市場
唔使休息，即刻去會賢站既南大門市場...明洞行到去的，但因為太凍所以直接答一個站去~~
韓國既地道小食~~~~熱辣辣熱辣熱辣辣既魚糕呀～好味好味～
米腸~~
떡볶이 ~~~真係好辣，不過好正XDD...我鐘意去韓國既另一個原因係，啲野全部都辣，岩我XDDD
行一陣又再食~ 大家都係到買左兩條褲保暖~
行完呢到，大家都差唔多到頂了....真係好眼瞓，所以決定反酒店check in 加眠一眠～～～～zzzzzzz
床呀～～～～～～！！！！之後就昏迷左兩粒鐘................zzzzz
4. 忠武路T mark Hotel
今次住呢間 Tmark Hotel 都唔錯～好近忠武路站～所有野都好齊全.....
唯一唔好既就係估唔到佢無牙刷...=__=...呢個要自備........................
酒店外既View~~
訓到六七點左右又離開酒店..出發去新沙洞的醬蟹～今次點都要試下XDD
>>Tmark Hotel - Hotels Combine<<
6. 新沙洞Pro醬油蟹
其實基本上新沙洞果條醬蟹街有好多間, 但網上都介紹呢間Pro醬油蟹，所以去試一試~~~~XDDD
價錢普遍貴左少少，不過真係好食的！但服務就麻麻地....><!
要黎撈飯真係好一流!!! 呢個下次都要encoreXDDD!!!!
>>普樂(PRO)醬蟹 新沙店<<
7. Line friend Store - 林蔭大道旗艦店
食完更係要去埋係新沙洞既line pop up cafe!!!!!!
一入去已經見到好大隻熊大!! 又於我地入去果時都8點，所以都開始無乜人
>>Line friend Store - 林蔭大道旗艦店<<
I am just too tired......
MY friend ><!!!!!見到佢地真係好興奮!!!!!
間直係line粉絲既天堂～～～!!!! 真係好鐘意佢地>V<!!!!!
一定要同佢地影相!!!!!
Line cafe 入面既飲品同cake都係有佢地個樣!!!!
熟悉既line sticker 貼紙～～～!!!
行到唔捨得走...最後行到9點幾比人趕先肯出去....成間舖我諗我係差唔多最後果幾個走~~~~
最後買左啲好唔等使既野反去～～XDDDDD
反到去噤岩仲做緊Superman Return...!!!感覺呢個行程真係為我而設噤!! XDDDD
但係都要早抖了，事關第二天行程我地參加了Starway travel 既local tour...又要晨雞噤早集合.......
待續...Thanks for Reading^^
留言列表
